Contact us

📰 जिल्हा परिषद सर्कल वालवडमध्ये लता ताई गोरे यांच्या नावाची जोरदार चर्चा

वालवड : आगामी जिल्हा परिषद निवडणुकीच्या पार्श्वभूमीवर वालवड सर्कलमध्ये राजकीय समीकरणांना वेग आला असून, या सर्कलमधून लता ताई गोरे यांच्या नावाची चर्चा विशेषत्वाने वाढताना दिसत आहे. गेली अनेक वर्षे सामाजिक क्षेत्रात तसेच पक्ष संघटनेत सक्रिय भूमिका निभावणारी कार्यकर्ती म्हणून त्यांची ओळख मजबूत बनली आहे.

2018 पासून उमेद अभियानाच्या माध्यमातून महिला सक्षमीकरणासाठी लता ताईंनी विशेष काम केले आहे. जिल्हाभरात रिलायन्स फाउंडेशनच्या सहकार्याने सेंद्रिय शेती, परसबाग आणि पोषण जागरूकता याविषयी अंगणवाडी सेविका व सुपरवायझर महिलांना प्रशिक्षण देण्याचे नेतृत्व त्यांनी केले. या उपक्रमातून तालुक्यातील अनेक महिलांना रोजगाराच्या संधी उपलब्ध झाल्या.

तालुक्यातील जवळपास प्रत्येक गावात कार्यरत असलेल्या उमेद गटांच्या सीआरपी महिलांची गावनिहाय माहिती, त्यांचे प्रश्न व अडचणी थेट लता ताईंकडे येतात. या सर्व सीआरपींच्या माध्यमातून येणारे महिलांचे, उपजीविकेचे, प्रशिक्षणाचे आणि स्थानिक पातळीवरील प्रश्न व्यक्तिशः सोडवण्याचे काम त्या सातत्याने करत असल्यामुळे त्या अनेक महिलांसाठी पहिल्या संपर्काचे नेतृत्व म्हणून ओळखल्या जातात.

राजकीय प्रवासातही लता ताई गोरे यांचा अनुभव लक्षणीय आहे. गेली 10 ते 12 वर्षे पक्ष संघटनेत सक्रिय कामगिरी, भारतीय जनता पक्षाच्या सलग तीन टर्म महिला तालुकाध्यक्ष, सध्या महिला जिल्हा उपाध्यक्ष (धाराशिव) म्हणून कामकाज, तसेच बूथ प्रमुख, शक्ती प्रमुख, सुपर वॉरियर्स अशा विविध संघटनात्मक जबाबदाऱ्या त्यांनी यशस्वीरीत्या पार पाडल्या आहेत. याशिवाय त्या हिवरडा ग्रामपंचायतीच्या सदस्य म्हणून देखील कार्यरत आहेत.

स्थानिक प्रश्नांवर तत्काळ प्रतिसाद देणारी, महिलांच्या प्रगतीसाठी सातत्याने उपक्रम राबवणारी आणि संघटन मजबूत ठेवणारी कार्यकर्ती म्हणून त्यांची ओळख असल्याने वालवड सर्कलमध्ये त्यांच्या नावाची चर्चा दिवसेंदिवस वाढत आहे. त्यामुळे या सर्कलमधील राजकीय समीकरणांमध्ये त्यांचे नाव एक महत्त्वाचा घटक ठरू शकते, अशी प्रतिक्रिया स्थानिक पातळीवरून व्यक्त केली जात आहे. 

O